Bu gün Goranboy rayonunun Sarov kəndində doğulmuş Milli Qəhrəmanın şəhidlik zirvəsinə ucaldığı gündür.
Gencexeber.az məlumat verir ki, söhbət Ənvər Səyyad oğlu Fərəcovdan gedir. O, 28 iyun 1952-ci ildə doğulub. 1990-cı ildə Özbəkistan Ali Milis Məktəbini bitirərək Azərbaycan DİN-nin sərəncamına göndərilir. Ənvər Fərəcov 11 sentyabr 1991-ci ildə düşmənin Goranboy rayonunun Erkəç, Mənəşli, Buzluq kəndlərinə təşkil etdiyi hücumun qarşısını alarkən qəhrəmancasına şəhidlik zirvəsinə ucalıb. Rayonun Sarov kəndində dəfn edilib, şəhərdə büstü qoyulub.
Azərbaycan Respublikası prezidentinin 8 oktyabr 1992-ci il tarixli 214 saylı fərmanı ilə Fərəcov Ənvər Səyyad oğlu ölümündən sonra "Azərbaycanın Milli Qəhrəmanı " adına layiq görülüb. Onun haqqında "Vətənə dönənim" adlı film çəkilib.
