Zəfər Nadir oğlu Məmmədov 30 may 1982-ci ildə Gəncə şəhərində anadan olub.
O, Mirzə Ələkbər Sabir adına Gəncə şəhər 5 saylı və 18 saylı orta məktəblərdə təhsil alıb. Məmmədov 1999-2003-cü illərdə Odlar Yurdu Universitetinin hüquq fakültəsində bakalavr, 2003-2005-ci illərdə həmin universitetdə mülki hüquq ixtisası üzrə magistr təhsili alıb. Həmçinin o, 2013-cü ildə Azərbaycan Dövlət Rəssamlıq Akademiyasının (ADRA) memarlıq fakültəsinə daxil olub və 2016-cı ildə oranı bitirib. Zəfər Məmmədov 2016-cı ildən ADRA-da müəllim kimi fəaliyyət göstərir.
Məmmədov 2006-cı ilin sonlarında “Gəmiqaya-ZMH” adlı daşınmaz əmlak agentliyini yaradıb və oranın rəhbəri olub. 2010-cu ildə “Zaferoğlu” inşaat şirkətini yaradıb və o vaxtdan oranın rəhbəridir. “Zaferoğlu” şirkəti Zəfər Məmmədovun rəhbərliyi ilə təmir və dizayn nominasiyası üzrə London, Nyu-York və Dubay kimi nəhəng biznes mərkəzlərində dünyamiqyaslı mükafatlara layiq görülüb. Onun təşəbbüsü ilə 2021-ci ildə Gəncədə Azərbaycanın ilk LED lampaları istehsal edən zavodu fəaliyyətə başlayıb.
Məmmədov 2021-ci ildən “Gəncə İş Adamları” İctimai Birliyinin sədri və Gəncə Şəhər İcra Hakimiyyəti yanında İctimai Şuranın üzvüdür. O, 2022-ci ildə “Türk Dünyasında İlin İş Adamı” adına layiq görülməklə Fəxri Doktor adı və Qızıl Ulduz Medalı ilə mükafatlandırılıb.
Zəfər Məmmədov “Rəqabət sahibkarın tənəzzülünə yox, biznesin inkişafına xidmət etməlidir” və “İş axtaran qədər işçi axtaran da çoxdur” adlı məqalələrin müəllifidir.
Mənbələr:
