AFFA İntizam Komitəsinin bu gün keçirilən iclasında bir sıra qərarlar qəbul edilib.
Gencexeber.az Peşəkar Futbol Liqasına istinadən məlumat verir ki, “Turan Tovuz” klubunun 1500 manat məbləğində cərimə olunması bu qərarlar sırasındadır. Belə cəzaya səbəb isə Misli Premyer Liqasının X turunun “Sumqayıt” – “Turan Tovuz” oyununun ikinci hissəsinə tovuzluların meydançaya gec çıxması olub.
Qeyd edək ki, sözügedən qarşılaşma qərb təmsilçisinin 4:2 hesablı inamlı qələbəsi ilə yekunlaşıb.
