Gəncədə universitetlərdən biri yeni əməkdaşlığa başlayıb.
Gencexeber.az Azərbaycan Texnologiya Universitetinə istinadən məlumat verir ki, təhsil ocağının rəhbəri "IST Services" MMC-nin nümayəndəsi ilə görüşüb. Tərəflər arasında əməkdaşlıq müqaviləsi imzalanıb. Sənədə əsasən, "IST Services" şirkəti ATU-nun sifarişi əsasında "Texniki təhlükəsizlik" üzrə nəzəri və praktik təlimlər keçəcək.
Qeyd edək ki, "IST Services" şirkəti ümumi SƏTƏM, yükqaldırma, transport və logistika, xilasetmə, dənizdə sağqalma, müxtəlif peşə, mühəndislik, qida təhlükəsizliyi və s. sahələrdə təlimlər təşkil edir.
