Gəncədə Azərbaycan Texnologiya Universitetinə (ATU) elmi işlər üzrə prorektor əvəzi, elm və innovasiya üzrə müşavir təyin edilib.
Gencexeber.az ATU-ya istinadən xəbər verir ki, adıçəkilən vəzifə Sahil Həmidova tapşırılıb.
Sahil Zahid oğlu Həmidov 18 avqust 1981-ci ildə anadan olub. 2002-ci ildə Bakı Dövlət Universitetinin Kimya fakültəsinin Tətbiqi kimya ixtisası üzrə bakalavriat pilləsini, 2004-cü ildə isə Analitik kimya ixtisası üzrə magistratura pilləsini bitirib. 2008-ci ildə Azərbaycan Respublikasının Prezidenti yanında Ali Attestasiya Komissiyası tərəfindən "Analitik kimya" ixtisası üzrə kimya elmləri namizədi elmi dərəcəsinə layiq görülüb.
2003-2018, 2023-2024-cü illərdə BDU-da müxtəlif vəzifələrdə (laborant, baş laborant, müəllim, dosent) çalışıb. 2019-2020-ci ildə Azərbaycan Respublikasının Prezidenti yanında Ali Attestasiya Komissiyasında böyük məsləhətçi, 2020/2022-ci ildə sektor müdiri vəzifəsində çalışıb. Respublika və xarici ölkələrin elmi mətbuatlarında dərc olunmuş 100-ə yaxın elmi əsərin və 3 kitabın müəllifidir. 40-dan çox beynəlxalq elmi konfranslarda məruzələrinin tezisləri çap olunub. ED 2.16 Dissertasiya Şurasının üzvüdür.
