Bir neçə gün öncə Gəncəyə səfər edən ABŞ-nin Azərbaycandakı səfiri Mark Libbi M.Mehdizadə adına 4 saylı lisey məktəbin 6-cı sinif şagirdi Fərəh Həsənli ilə görüşüb.
Gencexeber.az-a bu barədə Fərəhin anası Familə Həsənli məlumat verib.
O bildirib ki, qızı 4 aydır ki, ABŞ səfirliyi tərəfindən maliyyələşdirilən təşkilatda ingilis dili dərsi alır, dili danışıq səviyyəsində öyrənir:
“Fərəhə ingilis dilini uşaqlıqdan sevdirən və öyrədən mən olmuşam. İngilis dili müəlliməsi olsam da hazırda çalışmıram. Mən də ingilis dilini illər əvvəl qızım kimi, ABŞ səfirliyinin təşkil etdiyi bir proqram çərçivəsində öyrənmişdim. Bir neçə gün əvvəl isə Gəncədə olan Mark Libbi Fərəhin də üzv olduğu təşkilatda olub, qızımla səmimi söhbət aparıb və foto çəkdirib. Eyni zamanda Fərəh müxtəlif kurslar tərəfindən təşkil olunan yarışmalarda dəfələrlə birinci yerə layiq görülüb. İnanıram ki, qızımın dil bilikləri gələcəkdə uğurlu olmasına bir vasitə olacaq”.
