Gəncəli idmançı beynəlxalq arenada növbəti uğura imza atıb.
Gencexeber.az xəbər verir ki, Gəncə şəhər Fizika, riyaziyyat və informatika təmayüllü liseyin məzunu olan Mirzəliyev Tural Teyyub oğlu Macarıstanın Lakitelek şəhərində keçirilən pauerliftinq üzrə "World Powerlifting Alliance" (WPA) yarışında dünya çempionu adını qazanıb.
18 yaşlı idmançı 65 kiloqram çəki dərəcəsində çıxış edərək bütün rəqiblərini geridə qoyub və qızıl medal əldə edib.
Hazırda o, Çexiyanın paytaxtı Praqa şəhərində yerləşən ölkənin ən qədim və nüfuzlu təhsil ocaqlarından biri – Çarles Universitetində təhsil alır.
