Gəncədə universitetlərdən biri ən yüksək balla daxil olan tələbəsinin adını açıqlayıb.
Azərbaycan Universitetləri səhifəsinin məlumatına əsasən, Azərbaycan Dövlət Aqrar Universitetində (ADAU) region universitetlərinin ikinci ən yüksək nəticəsi qeydə alınıb.
Belə ki, 2024-2025-ci tədris ili üçün ixtisas seçimi edilən zaman Zeynəb Əliyeva 681,2 balla ADAU-nu seçib. O, İnformasiya texnologiyaları ixtisasında təhsil alacaq.
Zeynəb ADAU-nun tarixinə ən yüksək balla qəbul olan tələbə kimi düşüb.
Universitetin rektoru Zəfər Qurbanov yeni tələbə adını qazanan məzunla görüşüb və onu təbrik edib.
