Məktəbi qızıl və gümüş medallarla bitirən məzunlarla görüş baş tutub.
Qazax-Tovuz Regional Təhsil İdarəsinin məlumatına əsasən, tədbirdə adıçəkilən idarənin müdiri Arslan Hacıyev, əməkdaşları, məzunlar, eləcə də onların valideynləri və məktəb direktorları iştirak ediblər.
Arslan Hacıyev əlaçı tələbələri təbrik edib, ölkədə təhsilə göstərilən diqqətdən danışıb. O, rayonda təhsilin inkişafı sahəsində əldə olunan nailiyyətlər barədə məlumatları bölüşüb.
Məzunlar çıxış edərək layiqli vətəndaş olmağa söz veriblər. Mərasimin sonunda gənclərə qızıl və gümüş döş nişanları, sertifikatlar və hədiyyələr təqdim olunub.
