Gəncədə təhsil alan şagirdlər Beynəlxalq Olimpiadada uğur qazanıblar. Bu haqda 14 avqust tarixində Regional Təhsil İdarəsinə istinadən xəbər veririk.
M.Mehdizadə adına 4 nömrəli xarici dil təmayüllü məktəb-liseyin şagirdləri "FİSO" Beynəlxalq Olimpiadada iştirak ediblər. Təhsil ocağının 6 "E" sinif şagirdi Arif Meşaik gümüş, 8 "I" sinif şagirdləri Nəbili Murad və Həsənova Rahilə isə bürünc medala layiq görülüblər.
Qeyd edək ki, "FiSO" şagirdlərin riyaziyyat, ingilis dili, məntiq, kimya, fizika, biologiya və incəsənət kimi müxtəlif sahələrdə bilik və bacarıqlarını sınayıb inkişaf etdirmələri üçün nəzərdə tutulmuş beynəlxalq bir yarışıdır.
Olimpiada, şagirdlərin elm və təhsil sahələrində öz potensiallarını kəşf etmələrinə və gələcəkdə bu sahələrdə uğur qazanmağa hazırlıq görmələrinə imkan yaradır.
