“Dalğanın gücü” komandası “FIRST LEGO LEAGUE Explore 2025” yarışının respublika turnirində həm komanda ruhu, həm də əməkdaşlıq nominasiyaları üzrə qalib olub.
Gencexeber.az məlumat verir ki, “STEAM Azərbaycan” layihəsinin təşkilatçılığı ilə keçirilən “FIRST LEGO LEAGUE Explore 2025” respublika turnirində Gəncə məktəblilərindən ibarət “Dalğanın gücü” komandası iki prestijli kuboka layiq görülüb. Onlar Team Spirit Award və Teamwork Award nominasiyaları üzrə qaliblər sırasında yer alıblar.
7-9 yaşlı şagirdlər arasında keçirilən yarışda 40-dan çox komanda iştirak edib. Turnirin əsas məqsədi uşaqların elm, texnologiya, mühəndislik sahələrinə marağını artırmaq, onların analitik düşüncə, yaradıcılıq və komanda işi bacarıqlarını inkişaf etdirməkdir.
“Dalğanın gücü” komandası LEGO konstruksiyalarından ibarət robotlar hazırlayıb və onları proqramlaşdıraraq jüri qarşısında uğurla təqdim ediblər.
Komandanın üzvləri:
Komandaya gələcəkdə daha böyük uğurlar və beynəlxalq yarışlarda da Azərbaycanı təmsil etmək arzusu ilə təbrik edirik!
