Gəncəli idmançı bəynəlxalq yarışda qızıl medal qazanıb.
Gencexeber.az Gəncə-Daşkəsən Regional Gənclər və İdman idarəsinə istinadən məlumat verir ki, Estoniyanın paytaxtı Tallində cüdo idman növü üzrə gənclər arasında Avropa Çempionatı baş tutub.
Yarışda ölkəmizi təmsil edənlər arasında Gəncənin yetirməsi Könül Əliyeva da yer alıb. O, 52 kiloqram çəki dərəcəsində mübarizə aparıb. Bütün rəqiblərinə qalib gələrək fəxri kürsünün ən yüksək pilləsinə qalxan Könül, turnirdə Azərbaycanın aktivinə ilk qızıl medalı yazdırıb.
