Gəncəli məzun uğura imza atıb. Bu haqda 16 avqust tarixində FRİTL-ə istinadən məlumat veririk.
Söhbət Fizika, riyaziyyat və informatika təmayüllü liseyin 2022-ci il məzunu Şəhriyar Eminzadədən gedir. O, "2022-2028 Dövlət Proqramı" çərçivəsində layihənin qaliblərindən biri olub.
Bu nailiyyəti sayəsində o, Böyük Britaniyanın Edinburq Universitetinin Kimya mühəndisliyi fakültəsində dövlət hesabına təhsil alacaq.
Qeyd edək ki, Şəhriyar 2022-ci ildə Bakı Ali Neft Məktəbinə müsabiqədənkənar qəbul olunmuşdu. Cari tədris ilində həmin təhsil ocağının II kursunu yüksək göstəricilərlə başa vurub.
