Gəncə Dövlət Universitetinin məzunu xaricdə təhsil alacaq. Bu haqda 16 avqust tarixində GDU-ya istinadən xəbər veririk.
Söhbət Günay Hümmətovadan gedir. O, 2018-ci ildə 653 bal toplayaraq Gəncə Dövlət Universitetinin Riyaziyyat və İnformatika müəllimliyi ixtisasına qəbul olub. Yüksək balla müəllimlik ixtisasını seçdiyi üçün Elm və Təhsil Nazirliyi tərəfindən mükafatlandırılıb.
Hümmətova Elm və Təhsil Nazirliyi, İnnovasiya və Rəqəmsal İnkişaf Agentliyi və Code Academy tərəfindən həyata keçirilən "Code For Future" layihəsini “Honour Degree” ilə başa vurub. IELTS imtahınından 7 bal nəticəsi əldə edib və University of Sheffield, University of Edinburgh, University of Bristol kimi universitetlərdən magistr üzrə qəbul alıb.
O, “Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı”-nın qalibi olaraq sentyabr ayından təhsilini Bristol Universitetində Mühəndis Riyaziyyatı ixtisası üzrə davam etdirəcək.
