Gəncədə Azərbaycan Dövlət Aqrar Universitetinin məzunu uğur əldə edib. Bu haqda 1 iyul tarixində ADAU-ya istinadən xəbər veririk.
Söhbət ADAU-nun Aqronomluq (tədris ingilis dilində) ixtisası üzrə məzunu Nuray Məmmədzadədən gedir. O, magistratura səviyyəsi üzrə eyni vaxtda 2 təqaüd proqramı qazanıb.
Məzunumuz Almaniya Federativ Respublikası tərəfindən təqdim olunan DAAD təqaüdü və Erasmus+ tərəfindən təklif olunan birgə magistratura (Erasmus Mundus Joint Masters Degree Scholarship) üçün təqaüdlər alacaq.
Nuray Məmmədzadə Erasmus+ tərəfindən təklif olunan təqaüd proqramını seçməklə magistratura səviyyəsi üzrə təhsilinin I kursunu İtaliyada, II kursunu isə İspaniyada almaq imkanı qazanıb.
