Gəncədə universitet məzunu xarici ali təhsil ocağına qəbul edilib. Bu haqda 14 avqust tarixində ADAU-ya istinadən məlumat veririk.
Söhbət Azərbaycan Dövlət Aqrar Universitetinin məzunu Orxan Cəfərovdan gedir. Aqronomluq (tədris ingilis dilində) ixtisasını bitirən gənc Almaniyanın Weihenstephan Triesdorf Universitetinə (Tətbiqi Elmlər Universiteti) qəbul olub. O, Almaniya hökumətinin təqaüdünə layiq görülüb.
Orxan Cəfərov burada Aqrar menecment (MBA) ixtisası üzrə magistratura təhsili alacaq.
