Gəncəli məzun ölkə birincisi olub. Bu haqda 27 iyul tarixində Oxu.az-a istinadən məlumat veririk.
Dövlət İmtahan Mərkəzi (DİM) I və IV ixtisas qrupları üzrə 14 iyul tarixində keçirilmiş qəbul imtahanının nəticələrini elan edib. Beləliklə, IV qrup üzrə ən yüksək bal əldə edən abituriyentin həmyerlimiz olduğu məlum olub.
Söhbət 39 nömrəli tam orta məktəbin məzunu Nuray Emin qızı Hüseynovadan gedir. O, imtahanın birinci mərhələsində 300, ümumilikdə isə 697 bal toplayıb.
Xatırladaq ki, abituriyentimiz təhsildəki uğurlarına görə qızıl nişanla təltif olunmuşdu.
