Gəncə təhsil müəssisəsinin şagirdi Amerika Riyaziyyat Olimpiadasında uğur qazanıb. Bu haqda dekabrın 19-u Gencexeber.az Gəncə-Daşkəsən Regional Təhsil İdarəsinə istinadən məlumat verir.
Gəncə şəhər M.Mehdizadə adına 4 nömrəli xarici-dillər təmayüllü məktəb-liseyin 10-cu sinif şagirdi Nilgün Məmmədova AMO (United States of America Mathematical Olympiad) - Amerika Riyaziyyat Olimpiadası Beynəlxalq yarışmasında qızıl medal qazanıb. Olimpiada Azərbaycanda ibtidai, ümumi orta və tam orta təhsil səviyyəsi üzrə şagirdlər üçün təşkil olunub.
Qeyd edək ki, bu yarışın nəticəsi ilə beynəlxalq təqaüdlər qazanmaq, xaricdə, xüsusilə də ABŞ-də nüfuzlu universitetlərdə təqaüdlə təhsil almaq şansı yaranır.
