Azərbaycan Premyer Liqasının X turu çərçivəsində "Kəpəz" futbol klubu öz meydanında "Qarabağ"ı qəbul edib.
Gencexeber.az məlumat verir ki, Tovuz şəhər stadionunda baş tutan qarşılaşma Ağdam təmsilçisinin 5:0 hesablı böyükhesablı qələbəsi ilə yekunlaşıb.
Oyunun birinci hissəsinin 17-ci dəqiqəsində ilk qolu Emmanuel Addai qərb təmsilçisinin qapısından keçirib.
51-ci dəqiqədə Aleksey İsayevin, 52-ci dəqiqədə Leandro Andradenin, 67-ci dəqiqədə Toral Bayramovun və 78-ci dəqiqədə Aleksey Kaşukun vurduğu qollar "Kəpəz"in darmadağın olmasını rəsmiləşdirib.
Qeyd edək ki, Gəncə klubu 3 xalla sonuncu pillədədir. Qərblilər keçirilən 10 oyundan yalnız birində, "Neftçi" ilə qarşılaşmada qələbə qazana biliblər.
Xatırladaq ki, “Kəpəz” PFK ev oyunlarını müvəqqəti olaraq Tovuz şəhər stadionunda keçirir. Buna səbəb Gəncə şəhər stadionunda yenidənqurma işlərinin başladılmasıdır.
