Gəncədə sahibsiz itlər əhalinin narahatlığına səbəb olur.
Gencexeber.az-a sakinlərdən verilən məlumata görə, şəhərin Bayraq meydanında itlərin çoxluğu onlarda qorxu hissi yaradır.
“Şəhərin müxtəlif hissələrində, xüsusilə də istirahət guşələrində itlər dəstə ilə dolaşırlar. Bəzən orada dincələn insanların üstünə hürməyə başlayır və hücum edirlər. Evdən çölə çıxmağa qorxuruq. Aidiyyəti qurumların tədbirlər görməsini istəyirik”, - deyə vətəndaşlar qeyd ediblər.
Məsələ ilə bağlı Gəncə şəhər İcra Hakimiyyətinə müraciət etdik. Qurumdan bildirilib ki, araşdırma aparılır.
