Gəncə şəhərində Dəmiryolçular parkı tamamilə unudulub.
Gencexeber.az məlumat verir ki, sözügedən park uzun müddətdir istirahətə yarasızdır. Bununla bağlı şikayət edən vətəndaş bildirir ki, parkın ərazisinə atılan tullantılar təmizlənmədiyi üçün ətraf natəmizlik içərisindədir.
Ərazidəki oturacaqlar tamamilə sıradan çıxıb, ağaclar quruyaraq bir-birinin üzərinə aşıb.
Dəfələrlə aidiyyəti qurumlara məlumat verilsə də, problem həllini tapmır.
Qeyd olunub ki, istirahət guşəsi sovetlər dönəmində salınıb və parkda Azərbaycan florasına aid bir neçə ağac növü var.
