Gəncənin mərkəzində yerləşən Nizami Gəncəvinin "Xəmsə" abidə kompleksi acınacaqlı vəziyyətdərir.
Gencexeber.az-a bununla bağlı şəhər sakinləri tərəfindən şikayət daxil olub.
Şikayətçi sakinlər bildirirlər ki, şairin əsərlərini simvollaşdıran bu abidə, həm yerli sakinlər, həm də turistlər üçün vacib bir mədəni məkan olsa da, hazırda bərbad vəziyyətdədir:
“Kompleks ərazisində dekorativ daşların sıradan çıxması, yalnız vizual olaraq mənfi təsir göstərmir, həm də ərazidəki təhlükəsizliyi təhdid edir. Eyni zamanda işıqlandırmanın və fəvvarənin işləməməsi, abidənin estetik görünüşünü pisləşdirir. Bu cür ərazilərin baxımına xüsusi diqqət yetirilməli, təmir və bərpa işləri sürətlə həyata keçirilməlidir. Mədəni irsin qorunması və gələcək nəsillərə ötürülməsi, yalnız yerli hakimiyyət orqanlarının deyil, eyni zamanda cəmiyyətin də üzərinə böyük məsuliyyət qoyur. Təəssüf ki, xoş olmayan mənzərəni aradan qaldıran qurum tapılmır”.
