Gəncə qəsəbələrinin sakinləri ictimai nəqliyyatla yaşanan çətinlikdən narazıdırlar. Bu haqda Gencexeber.az-a yanvarın 14-dü məlumat daxil olub.
10 nömrəli marşrut xətti ötən ilin oktyabr ayından başlayaraq fəaliyyətdədir. Verilən məlumata əsasən, bir müddət sonra avtobusların intervalları uzadılıb.
"10 nömrəli marşrut salınanda xoşbəxt idik, lakin sevincimiz çox çəkmədi. Xətdə iki avtobus olanda yarım saat, biri olanda isə bir saat avtobus gözləməli oluruq", - deyə sakin bildirib.
Eyni mənzərə Natəvan qəsəbəsində də müşahidə edilir. İzləyicidən daxil olan məlumatlara görə, 800-dən çox ailənin yaşadığı qəsəbə üçün cəmi iki marşrut xətti nəzərdə tutulub. Avtobusların fəaliyyəti heç qənaətbəxş sayıla bilməz.
Xatırladaq ki, sözügedən marşrutun açılması ilə bağlı məlumat vermişdik.
