Gəncədə Novruz bayramı ilə əlaqədar şəhərcik qurulacaq. Bu haqda Gencexeber.az-a 25 fevral tarixində məlumat daxil olub.
Yarmarka şəhərin Baş meydanında, İcra Hakimiyyətinin binasının qarşısında olacaq. Şəhərcik 5-25 mart tarixlərində fəaliyyət göstərəcək. Burada 12 ədəd satış və tanıtım pavilyonu, əyləncə qurğuları, kəndirbaz və milli oyunlar, ölkədə ən hündür səməni, gündəlik konsert və şou-proqramlar təşkil olunacaq. Həmçinin ağırlıqqaldırma, xoruz döyüşləri, papaqatma, yumurta döyüşləri, daşoynatma və digər yarışlar keçiriləcək.
Çərşənbə günləri şəhərcikdə tonqal qalanacaq. Ərazidə hər yaşda uşaqlar və böyüklər üçün müxtəlif attraksion və oyun qurğuları fəaliyyət göstərəcək.
Qeyd edək ki, şəhərcik "Gəncland" ailəvi istirahət Kompleksi və Gəncə şəhər İcra Hakimiyyəti tərəfindən təşkil edilir.
