Gəncədə sakinlər abad məhəllə arzusundadırlar. Bu haqda Gencexeber.az-a 15 iyun tarixində məlumat daxil olub.
Söhbət şəhərin 2-ci mikrorayonundan və Həsən Əliyev küçəsindən gedir. Birinci ərazidə 5, 6, 7 və 8 saylı binaların qarşısı baxımsız haldadır. Burada asfalt örtüyü yoxdur. Sakinlər məhəllənin abadlaşdırılmasını arzu edirlər.
“Burada geniş ərazi var. Uşaqlar toz-torpaqda oynayırlar. Bir sıra binaların qarşısında abad məhəllələr salınıb. Biz də məhəlləmizin abadlaşdırılmasını arzu edirik. Ərazidə balacalar üçün uşaq meydançası salınsa, yollarımız asfaltlansa, çox sevinərik”, - deyə onlar qeyd ediblər.
Həsən Əliyev küçəsində də sakinləri analoji problem narahat edir. Həmçinin burada yerləşən şəhid bulağının təmirə ehtiyacı var.
[modula id="39215"]
