Şəmkir Rayon İcra Hakimiyyətinin başçısının növbəti fərdi görüşü keçirilib. Gencexeber.az məlumat verir ki, rayon başçısı Rəşad Tağıyev idarə, müəssisə və digər xidmət təşkilatlarının rəhbərlərinin iştirakı ilə sakinləri qəbul edib.
Tədbir zamanı şəhid ailələrinin, veteranların və müharibə iştirakçılarının müraciətləri növbədənkənar dinlənilib, digər vətəndaşlar isə növbəlilik əsasında görüşüblər. Sakinlər tərəfindən edilən müraciətlər fərdi yaşayış evinin tikintisi üçün torpaq sahəsinin ayrılması, məşğulluq, eləcə də digər sosial müdafiə məsələləri ilə bağlı olub.
Vətəndaşlar tərəfindən qaldırılan məsələlərdən icra hakimiyyətinin səlahiyyətləri çərçivəsində bəzi problemlər yerində həll edilib, bəzilərinin həlli üçün müvafiq tapşırıqlar verilib.
