Gəncədə baş vermiş qəza anbaan mühafizə kamerasına düşüb.
Avtosfer.az-ın məlumatına görə, hadisə sentyabrın 12-də saat 12:59-da qeydə alınıb. Belə ki, maşınını park etmək istəyən “Hyundai” markalı avtomobilin sürücüsü yola baxmadan sola dönüb. Bu zaman o, qarşı tərəfdən gələn mopedlə toqquşub.
Zərbəninin təsirindən moped sürücüsü yuxarı sıçrayaraq yola yıxılıb. Xoşbəxtlikdən o, xəsarət almayıb.
Qeyd edək ki, video sosial şəbəkələrdə müzakirələrə səbəb olub. Avtomobilin sürücüsü qınaq obyektinə çevirilib.
