Daşkəsəndə partlayış nəticəsində zərərçəkənin mənzili yararsız hala düşüb.
Gencexeber.az-a açıqlamasında Daşkəsən Rayon Dövlət Yanğından Mühafizə Hissəsinin dispetçeri çavuş Ələkbərov bildirib ki, partlayış M.Əsədov küçəsi, bina 14-ün 3-cü mərtəbəsində yerləşən, 1971-ci il təvəllüdlü Sadıqov Natiq Telman oğluna məxsus ümumi sahəsi 64 kv.m olan mənzil 6-da qaz sızması nəticəsində baş verib.
Partlayış zamanı ev əşyaları tamamilə yararsız hala düşüb, mənzilin pəncərələri isə çərçivələri ilə birlikdə binanın həyətinə tökülüb.
Qeyd edək ki, redaksiyamızın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib ki, zərərçəkən N.Sadıqovun müalicəsi Reanimasiya şöbəsində davam etdirilir. Onun vəziyyəti orta ağırdır.
