Gəncədə Türkiyə tərəfindən təhsil ocağı yaradılacaq.
Oxu.az-ın verdiyi məlumata əsasən, Türkiyə Maarif Vəqfinin İdarə Heyətinin sədri professor doktor Birol Akgün Azərbaycan Beynəlxalq Maarif Məktəblərinin Gənclik kampusunun ikinci filialının açılışında iştirak edib.
O bildirib ki, Gəncədə kampusların açılmasında maraqlıdırlar.
"Türkiyə Maarif Vəqfi artıq səkkiz ildir, fəaliyyət göstərir. 100-ə yaxın ölkədə Türkiyə təhsilinin əhatə dairəsini genişləndiririk. 74 ölkədə 54 məktəbimiz var. İmkanlar əl verdiyi qədər 193 ölkədə məktəblər açmağı düşünürük. Özəl təhsil proqramlarımız sayəsində 54 min şagirdə xidmət göstəririk. Can Azərbaycan ilə qardaşlığımızın möhkəmləndirilməsində, təhsilinə öz töhfəmizi verməkdən qürur duyuruq", - deyə Akgün qeyd edib.
Professor həmçinin əlavə edib ki, Gəncədə məktəbi bir il içərisində açmağı düşünürlər:
"Ümid edirik ki, bu istəyimizə nail olacağıq. Qarabağ və Gəncədə məktəb açmaq istiqamətində bir yol xəritəmiz var. Bu, bir il içərisində də baş tuta bilər, daha çox vaxt da ala bilər. Bunların hər biri gündəmimizdə olan məsələlərdəndir".
