Tovuzun dağətəyi relyefə malik Məşədilər kəndini rayon mərkəzi ilə əlaqələndirən körpü qəzalı vəziyyətdədir.
Zəyəm çay üzərindəki dəmir körpü bir neçə dəfə keçən sel səbəbindən yararsız hala düşüb.
Sakinlər təhlükə saçan körpüdən başqa alternativləri olmadığı üçün istifadə etmək məcburiyyətində qalırlar.
Tovuz Rayon İcra Hakimiyyətindən problem ilə bağlı bildirilib ki, bu barədə aidiyyəti üzrə məlumat verilib:
“Yağış suları körpünün bir hissəsini dağıdıb. Məsələ ilə bağlı Azərbaycan Avtomobil Yolları Dövlət Agentliyinə (AAYDA) müraciət etmişik. Əraziyə baxış keçirilib, yaxın zamanda körpü bərpa ediləcək”.
Ətraflı ATV-nin süjetində:
