Professor Edison Hacıyev vəfat edib.
Gencexeber.az bildirir ki, bu barədə onun yaxınları məlumat veriblər.
Bildirilib ki, E.Hacıyev 82 yaşında dünyasını dəyişib.
Qeyd edək ki, Edison İmran oğlu Hacıyev 1941-ci ildə Şəmkir rayonunun Dəllər-Cırdaxan kəndində anadan olub.
O, 1959-1964-cu illərdə M.F.Axundov adına Azərbaycan Pedaqoji Xarici Dillər İnstitutunun Qərbi Avropa Dilləri fakültəsinin İngilis-Azərbaycan dilləri şöbəsində (hazırkı Azərbaycan Dillər Universiteti) təhsil alıb. Təhsilini bitirdikdən sonra elə orada İngilis dilinin qrammatikası kafedrasında müəllim kimi fəaliyyətə başlayıb.
