Gəncə-Daşkəsən Regional Təhsil İdarəsinin müdiri Anar Qədiməliyevin iştirakı ilə "Microsoft Teams" platforması vasitəsilə onlayn şəkildə Göygöl rayonu üzrə təhsil sektorunun əməkdaşları ilə görüş baş tutub.
Gencexeber.az Gəncə-Daşkəsən Regional Təhsil İdarəsinə istinadən məlumat verir ki, görüşdə təhsil müəssisələrində həyata keçiriləcək monitorinqlər, sektorda və təhsil müəssisələrində vətəndaş qəbulu mexanizminin təkmilləşdirilməsi, təhlükəsiz məktəb mühiti, şagird davranış qaydaları, inklüziv təhsil, evdə təhsil və fərdi təhsil, həmçinin COP29 ilə bağlı müvafiq tədbirlərin həyata keçirilməsi məsələləri ilə bağlı tapşırıqlar verilib.
