Daşkəsən Rayon İcra Hakimiyyətinin dəstəyi, “Zəfər” Şəhid Ailələrinə Dəstək İctimai Birliyinin təşkilatçılığı ilə 44 günlük Vətən müharibəsinin 4-cü ildönümü ilə əlaqədar daşkəsənli Birinci və İkinci Qarabağ müharibəsi şəhidlərinin anaları ilə görüş keçirilib.
Gencexeber.az məlumat verir ki, tədbirdə İcra Hakimiyyətinin başçısı Orxan Abbasov, “Zəfər” Şəhid Ailələrinə Dəstək İctimai Birliyinin rəhbəri, “Yaşat” Fondunun Himayəçilik Şurasının üzvü, şəhid polkovnik-leytenant Raquf Orucovun həyat yoldaşı Sevinc Orucova, rayonun hüquq mühafizə orqanlarının, idarə, müəssisə və xidmət sahələrinin rəhbərləri və ictimaiyyət nümayəndələri iştirak ediblər.
Tədbirdə bildirilib ki, sərhəd bölgəsində yaşayan igid daşkəsənlilər də hər zaman Azərbaycanın ərazi bütövlüyü uğrunda gedən döyüşlərdə istər ön cəbhədə, istərsə də arxa cəbhədə fəal döyüşüblər. Onlardan 64 nəfəri Birinci, 34 nəfəri isə İkinci Qarabağ müharibəsində müqəddəs şəhidlik zirvəsinə ucalıblar. Həmçinin görüşdə şəhid analarının müraciət və təklifləri də dinlənilib.
[caption id="attachment_67070" align="alignnone" width="696"]
[/caption]
[caption id="attachment_67071" align="alignnone" width="696"]
[/caption]
