“Qarabağ” UEFA Avropa Liqasının Liqa mərhələsinin III turunda Niderlandın "Ayaks" klubuna uduzub.
Gencexeber.az məlumat verir ki, Tofiq Bəhramov adına Respublika stadionunda baş tutan matç 0:3 hesabı ilə bitib.
15-ci dəqiqədə Julio Romao birbaşa qırmızı vərəqə alaraq "Qarabağ"ı azlıqda qoyub. Birinci hissəsinin 36-cı dəqiqəsində Kennet Teylor ilk qolun müəllifi olub.
İkinci hissənin 74-cü dəqiqəsində Vaut Veqhorstun penalti zərbəsini dəqiq yerinə yetirib. Amsterdamlılar yekun olaraq 77-ci dəqiqədə Çuba Akpomun qolu ilə top fərqini 3-ə çatdırıblar.
İki dəqiqə sonra Elvin Cəfərquliyev ikinci sarı vərəqənin ardından qırmızı vərəqə alaraq meydanı tərk edib. “Qarabağ” oyunu 9 nəfərlə tamamlayıb.
Qeyd edək ki, Qurban Qurbanovun rəhbərlik etdiiy kollektiv 0 xalla turnir cədvəlinin sonuncu pilləsindədir.
