Bəzi ərazilərdə vətəndaşlar qanun pozuntusuna yol veriblər.
Gencexeber.az Dövlət Ekoloji Təhlükəsizlik Xidmətinə istinadən məlumat verir ki, qurumun əməkdaşları növbəti nəzarət tədbirləri keçiriblər. Nəticədə Mingəçevir su anbarında və Zəyəmçay çayının Tovuz rayonu ərazisindən keçən hissəsində qanunsuz balıq ovlayan şəxslər saxlanılıblar.
Araşdırma zamanı həmin şəxslərin Mingəçevir şəhər sakini İbrahim Məmmədov, Tovuz rayonu Qəribli kənd sakini Nəsib İsmayılov olduğu müəyyən edilib. Onlardan qanunsuz ovlanmış xeyli sayda balıq və istifadəsi qadağan olunmuş ov alətləri aşkar edilərək götürülüb.
Faktlarla bağlı qanun pozucuları barəsində protokol tərtib edilib və müvafiq tədbir görülüb.
