Bu gün İlham Əliyevin ilk dəfə Azərbaycan Prezidenti kimi and içməsindən 22 il keçir.
2003-cü il oktyabrın 15-də keçirilən prezident seçkisində qalib gələn İlham Əliyevin inaqurasiya mərasimi oktyabrın 31-də Respublika Sarayında baş tutub.
Azərbaycanın eks-prezidenti, ümummilli lider Heydər Əliyevdən sonra Yeni Azərbaycan Partiyası adından namizədliyi irəli sürülən İlham Əliyev səsvermədə iştirak edənlərin 70%-dən çoxunun səsini toplamağı bacarmışdı.
Ötən 22 ildə məhz İlham Əliyevin sayəsində Azərbaycan bütün sahələrdə böyük uğurlar qazanıb, torpaqlarımız işğaldan azad edilib, Şuşada, Xankəndidə üçrəngli Azərbaycan bayrağı dalğalanıb. İlham Əliyevin adı Qarabağda aparılan 44 günlük Vətən müharibəsindəki qələbənin müzəffər Ali Baş Komandanı kimi Azərbaycan tarixinə düşüb. Azərbaycan ciddi siyasi, iqtisadi, mədəni mərkəzlərdən birinə çevrilib.
