Gəncənin icra başçısı Niyazi Bayramov Belarusa səfər edib.
Gencexeber.az şəhər İcra Hakimiyyətinə istinadən məlumat verir ki, N.Bayramov Minskdə Nizami Gəncəvinin abidəsinə baş çəkib. Şəhər rəhbəri dahi şairin heykəlinin önünə tər çiçəklər düzüb.
Qeyd edək ki, Nizami Gəncəvinin Belarusun paytaxtı Minskdəki abidəsi 2021-ci ilin dekabrında ucaldılıb. Heykəl şəhərin mərkəzi hissələrinin birində - Azərbaycanın Belarusdakı səfirliyinin binası yaxınlığında yerləşir. Müəllifi Azərbaycanın Xalq Rəssamı Səlhab Məmmədov olan abidənin hündürlüyü postamentlə birgə 3,5 metrdir.
