"STEAM vasitəsilə Yaşıl bacarıqlar" layihəsi çərçivəsində "Ecothon" müsabiqəsi keçirilib.
Gencexeber.az Qazax-Tovuz Regional Təhsil İdarəsinə istinadən məlumat verir ki, layihədə Tovuz şəhər Elxan Məmmədov adına tam orta məktəbin, Bozalqanlı kənd Y.Sadıqov adına tam orta məktəbin və Düz Qırıqlı kənd 1 nömrəli tam orta məktəbin komandaları iştirak ediblər. Hər üç komanda "Ecothon" müsabiqəsində qalib olub. Tədbirin sonunda qalib komandalar Birləşmiş Millətlər Təşkilatının Uşaq Fondu (UNICEF) tərəfindən təltif ediliblər.
Qeyd edək ki, layihənin əsas məqsədi uşaq və yeniyetmələr arasında iqlim dəyişmələri barədə biliklərin artırılması və eko-texnoloji bacarıqların inkişaf etdirməkdir.
