Gəncə-Daşkəsən bölgəsində təhsil ocaqlarında çalışmaq istəyən şəxslər üçün qeydiyyat başlayır.
Gencexeber.az Gəncə-Daşkəsən Regional Təhsil İdarəsinə istinadən məlumat verir ki, ümumi təhsil müəssisələrində gənclərin çağırışaqədərki hazırlığı rəhbəri vəzifəsinə işə qəbul üzrə müsabiqə elan edilir. Bunun üçün oktyabrın 12-dək aşağıdakı link vasitəsilə qeydiyyatdan keçmək lazımdır: https://shorturl.at/CCQ9L .
Qeydiyyatdan sonra məlumatlarının uyğunluğu yoxlanılan şəxslər müsabiqənin test imtahanı mərhələsinə dəvət olunacaqlar. Burada ali hərbi, yaxud ali mülki təhsilli, ehtiyatda (istefada) olan zabitlər, gənclərin çağırışaqədərki hazırlığı rəhbəri ixtisası üzrə ali təhsilli və ya tam orta təhsilli, həmçinin orta ixtisas təhsilli, ehtiyatda (istefada) olan gizir və çavuşlar iştirak edə bilərlər.
Müsahibə mərhələsində uğur qazanmış namizədlər sırasından vakant yeri seçiminə ilk olaraq şəhid ailəsinin üzvləri, müharibədə əlillik dərəcəsi almış şəxslər və müharibə veteranlarına (iştirakçı) üstünlük veriləcək.
