Gəncədə ilk dəfə kartinq yarışı baş tutacaq.
Gencexeber.az məlumat verir ki, turnir mükafatlı olacaq. Kartinq çempionatı “Gəncland” istirahət və əyləncə mərkəzində keçiriləcək. Yarış oktyabrın 10-dan 30-dək davam edəcək. Bu müddət ərzində hər kateqoriya (5, 10, 20 və 30 dəqiqə) üzrə ən yaxşı nəticə əldə edən şəxslər qalib elan olunacaqlar.
Burada ödəniş yalnız avtomobillərə görə alınacaq. Qiymətlər yuxarıda qeyd olunan dəqiqələrə müvafiq olaraq 10, 15, 25 və 40 manat təşkil edir.
Yarışda ilk üç qalib mükafatlandırılacaq. I yerə kubok, qızıl medal və 1000 manat, II yerə gümüş medal və 200 manat, III yerin sahibinə isə bürünc medal və 50 manat təqdim olunacaq.
İştirak və əlavə məlumat üçün 055 615 08 91 nömrəsi ilə əlaqə saxlamaq olar.
Qeyd edək ki, “Gəncland” istirahət və əyləncə mərkəzi Yeni Gəncə yaşayış massivində yerləşir.
