Goranboy rayonunda bıçaqlanma hadisəsi baş verib.
DİN-in Mətbuat Xidmətinin Gəncə regional qrupunun baş inspektoru Eşqin Qasımov Gencexeber.az-a bildirib ki, Goranboy Rayon Polis Şöbəsinə 2007-ci il təvəllüdlü A.Həsənəliyevin ayaq nahiyəsindən kəsici-deşici alətlə daxilə keçməyən xəsarət alması barədə məlumat daxil olub. Araşdırmalar zamanı hadisəni 2007-ci il təvəllüdlü R.Musayevin törətməsi məlum olub.
Qeyd edək ki, hadisə Səfikürd kənd tam orta məktəbində qeydə alınıb.
Faktla bağlı araşdırma aparılır.
