Xəbər verdiyimiz kimi, ötən gün Göygöl rayonunda “Opel” və “VAZ-21015” markalı avtomobillərin iştirakı ilə baş vermiş yol-nəqliyyat hadisəsi nəticəsində Azərbaycan Dövlət Aqrar Universitetinin tələbəsi Qurbanzadə Ramal vəfat edib.
Gencexeber.az-a mərhumun yaxınlarından daxil olan məlumata əsasən, Ramal universitet həyatında fəallığı ilə seçilən tələbə olub.
“18 yaşı olmasına baxmayaraq Ramal həm universitetdə, həm də rayon üzrə təşkil olunan bütün tədbir və festivallarda aktiv şəkildə iştirak edib. Bu il Göygöldə təşkil olunan “Milli Yaylaq Festival”ına, “Moruq Festival”ına və bir çox tədbirlərə qatılıb. Cəmiyyətə qaynıyıb-qarışan bir gənc olub, dostlarının sevimlisi idi. Həmyaşıdları deyir ki, həmişə zarafat edirdi ki, “Hamı evləndi, xoşbəxt oldu, bir mən qaldım, görəsən mən nə vaxt xoşbəxt olacam?”. O qədər həyat dolu biri idi ki, çox heyf…”, - deyə mərhumun yaxını danışıb.
Humay İsgəndərli
