Göygölün Keşkü kəndində ölkəmizdə ilk "Moruq Festivalı" baş tutub.
Gencexeber.az Göygöl rayon İcra Hakimiyyətinə istinadən xəbər verir ki, iki gün davam edən tədbirdə ziyarətçilərə moruq istehsalı ilə daha yaxından tanış olmaq imkanı yaradılıb, yerli istehsalçılar tərəfindən təqdim olunan moruq sortlarının dequstasiyası və satışı təşkil edilib. Festival istirakçıları 100-ə yaxın fermer və sənətkarın istehsal etdiyi məhsullar və xalq tətbiqi sənətkarlıq nümunələri ilə tanış olub, bəyəndikləri məhsulları almaq imkanı qazanıblar.
Həmçinin tədbir çərçivəsində qonaqlar üçün müxtəlif əyləncəli şou-proqramlar nümayiş olunub.
“Moruq Festivalı” məhsul bayramı xarakteri daşımaqla yanaşı, moruq istehsalçılarına yeni işgüzar əlaqələr qurmağa, məhsullarını geniş auditoriyaya tanıtmağa imkan verib.
[modula id="65161"]
