Göygöl rayonunda “5 oktyabr – Beynəlxalq Müəllimlər Günü” münasibəti ilə ümumrayon tədbiri keçirilib.
Gencexeber.az Göygöl Rayon İcra Hakimiyyətinə istinadən məlumat verir ki, qurumun akt zalında baş tutan tədbir Dövlət Himninin səsləndirilməsi ilə açıq elan olunub. Tədbirdə təhsildə səmərəli fəaliyyət göstərən bir qrup müəllimə Fəxri Fərman, “Uğurlu məktəb” adını qazanmış məktəb rəhbərlərinə Təşəkkürnamə, Müəllimlərin İşə Qəbulu və Sertifikasiya imtahanlarından yüksək bal toplamış müəllimlərə isə xatirə hədiyyələri təqdim olunub.
