Goranboyda əkin sahələrinin suvarılması ilə bağlı müvafiq işlər icra edilir.
Gencexeber.az Goranboy Rayon İcra Hakimiyyətinə istinadən məlumat verir ki, rayonun Tap Qaraqoyunlu, Hacallı, Tatarlı və Səfikürd kəndlərinin ümumilikdə 2 min hektardan çox əkin sahələrinin suvarılmasını təmin edən və mənbəyini Sərsəng su anbarından götürən İncəçay çayı ilə qidalanan 7 kilometirlik Tap-Hacallı-Səfikürd su arxının bərpa olunması işləri həyata keçirilir.
Həmin su arxı 1-ci Qarabağ müharibəsi zamanı ermənilər tərəfindən yararsız vəziyyətə salınıb. Su arxının bərpası üçün ərazilərdə müvafiq texnikalardan istifadə olunmaqla əsaslı əməli tədbirlərin aparılmasına ehtiyac var idi. Lakin, həmin su arxının 44 Günlük Vətən Müharibəsi öncəsi düşmənlə təmas xəttində yerləşən Tap və Tap Qaraqoyunlu kəndlərinin müəyyən ərazilərinə düşməsi və həmin ərazilərin erməni silahlı birləşmələri tərəfindən minalanması həmin ərazilərdə bərpa işlərinin aparılmasına manelər yaradırıb.
n İşğaldan azad edilmiş ərazilərdə minalanan sahələrin təmizlənməsi prossesi başa çatdıqdan sonra, həmin su arxının da bərpası işlərinin aparılması mümkün olub. Cari ildə həyata keçirilən əməli tədbirlər nəticəsində, artıq 4,5 kilometr məsafədə bərpa işləri başa çatdırılıb.
