Goranboyda küləkli hava şəraiti səbəbilə iri gövdəli ağaclar aşıb, bir neçə kəndin elektrik enerjisində fasilələr yaranıb.
APA xəbər verir ki, təbiət hadisəsi nəticəsində Goran-Naftalan avtomobil yoluna iri gövdəli ağac aşıb. Ağacın iri budaqları avtomobil yoluna düşdüyündən nəqliyyatın hərəkətində çətinliklər yaranıb. Küləkli hava şəraiti səbəbilə rayonun bir neçə kəndlərinə elektrik enerjisinin verilməsində fasilələr yaranıb.
Bir müddət sonra əraziyə cəlb edilən FHN əməkdaşları küləyin törətdiyi fəsadları aradan qaldırıblar. Bu barədə RİH başçısının birinci müavini, Fövqəladə Hallar Komissiyasının sədri Seymur Nazarov bildirib.
Onun sözlərinə görə Goran-Qızılhacılı-Tapqaraqoyunlu və Suqovuşan avtomobil yolunda hərəkət tam bərpa edilib.
Həmçinin kəndlərə də elektrik enerjisinin verilişi bərpa olunub.
[caption id="attachment_66984" align="alignnone" width="696"]
[/caption]
[caption id="attachment_66985" align="alignnone" width="696"]
[/caption]
