Məktəblilər və tarixsevər gənclər bilik və intellektlərini müsabiqədə yoxlayacaqlar.
Gencexeber.az Göygöl Gənclər Evinə istinadən məlumat verir ki, oktyabrın 15-i saat 14:00-da Göygöl Gənclər Evində “44 Günlük Vətən Müharibəsi”nə həsr edilmiş “Zəfər Kuboku” bilik yarışması keçiriləcək. Komandaların tərkibi və iştirak şərtləri haqqında məlumatlar məktəb rəhbərliklərinə yönləndirilib.
Bilik yarışması Göygöl Gənclər Evinin və Gəncə-Daşkəsən Regional Gənclər və İdman İdarəsinin Göygöl sektorunun birgə təşkilatçılığı, Gəncə-Daşkəsən Regional Təhsil İdarəsinin Göygöl sektorunun dəstəyi ilə təşkil olunur.
