Gəncədən olan məktəb şagirdləri Beynəlxalq Yaşıl SAF 2024 Festivalında iştirak edən komandalarımız müxtəlif mükafarlara layiq görülüblər.
Gencexeber.az Gəncə-Daşkəsən Regional Təhsil İdarəsinə istinadən məlumat verir ki, Gəncə şəhər 13 nömrəli tam orta məktəbin “Eco Girls” komandası “VİDX” kateqoriyası üzrə, həmçinin Gəncə şəhər 34, 32, 5 və 4 nömrəli məktəblərinin şagirdlərindən ibarət “Cyber Squad” komandası isə “Vex V5” nominasiyası üzrə 3-cü yerə layiq görülüb.
Bununla yanaşı Gəncə şəhər Fizika, riyaziyyat və informatika təmayüllü liseyin "Orbital Overlords" komandası “Cube Sat” kateqoriyası üzrə 3-cü yer, “Dragons” komandası “Eco coding” kateqoriyası üzrə 3-cü yer, “Crew-X2 komandası “FLYTECH” kateqoriyası üzrə 2-ci yer, "Green Lantern" komandası Yaşıl təşəbbüslər kateqoriyası üzrə 2-ci yer tutmağa müvəffəq olublar.
Gəncə şəhər 26 nömrəli məktəb liseyin “Məntiqli oğlanlar” komandası, həmçinin Daşkəsən şəhər İ.Nəsimi adına 1 nömrəli tam orta məktəbin və Gəncə şəhər M.Mehdizadə adına 4 nömrəli məktəb-liseyin şagirdlərindən ibarət “Star girls” komandası “Engineers of Future” kateqoriyası üzrə 3-cü yerə layiq görülüblər.
Digər komandalarımız isə müxtəlif nominasiyalar üzrə hədiyyələrlə təltif ediliblər.
Qeyd edək ki, sözügedən festival Elm və Təhsil Nazirliyi və COP29 Sədrliyinin dəstəyi, “STEAM Azərbaycan” layihəsinin təşkilatçılığı ilə keçirilib.
