Gəncədə bəy ailəsində dünyaya göz açan Adil İsgəndərov həyatı boyunca yalnız bir filmdə rejissor olub.
Söhbət müasir həyatımızdan, gənclərin köhnəlmiş adət-ənənələrə qarşı etirazlarından bəhs edən “Əhməd haradadır?” filmindən gedir.
Gencexeber.az məlumat verir ki, 1963-cü ildə çəkilmiş ekran işində gəncəli Məmmədrza Şeyxzamanov (Şirin kişi), Nəcibə Məlikova (Nərgiz xala), Elxan Qasımov (Sürücü Əhməd), Lütfəli Abdullayev (Zülümov), Ağahüseyn Cavadov (usta Əhməd), Mustafa Mərdanov (Məmməd) və digər aktyorlar müxtəlif obrazlar canlandırıblar. Burada Əhməd adlı qəhrəmanın itkin düşməsi ilə başlayan hadisələr, kənddəki insanların birlik və həmrəylik göstərərək onu axtarmaq səylərini təsvir edir. Əhmədin itməsi, əslində, filmin əsas mövzusunu təşkil edir.
Filmin çəkilişləri Gəncədə, Bakı bulvarında, Hacıkənd yollarında, Ağdaşda, Sumqayıtda, Göyçayda aparılıb.
