Gəncədə yanğın baş verib.
Gencexeber.az məlumat verir ki, hadisə Hacı Zeynalabdin Tağıyev küçəsi, 2-ci dalan, ev 15 ünvanında qeydə alınıb. Belə ki, yanğın 76 yaşlı Antonina Bayramovaya məxsus üçotaqlı yaşayış evində olub.
Buna şahid olan qonşular dərhal aidiyyəti üzrə məlumat veriblər. Çağırış ünvanına cəlb olunan yanğından mühafizə xidmətinin briqadası alovun qarşısını alıb.
Hadisə zamanı xəsarət alan olmayıb. Lakin mənzildə bəzi əşyalar yanaraq yararsız hala düşüb.
